Tuesday, February 20, 2018






நிஹால் காஷ்யப்  

தேசிய இசை போட்டியில் 

"இரண்டாம் இடம்" !!!




பல்கலைக்கழகங்களுக்கிடையே யான தேசிய இசை போட்டி நடந்தது .அதில் நிஹால் காஷ்யப் (எனது பேரன் ) அகிலஇந்திய அளவில் இரண்டாம் இடத்தை பெற்றான் .

நாகபுரி பல்கலையின் சார்பில் கலந்து கொண்ட நிஹால் மேற்கத்திய இசையில் இந்த விருதினை பெற்றிருக்கிறான் .

கடந்த 19-2-18 அன்று ராஞ்சி நகரத்தில் பல்கலைக்கழகங்களை இடையே யான இசைப்போட்டி நடந்தது. நிஹால் சிறுவயதில் கர்நாடக சங்கீதம் கறறான் . கல்லூரியில் ஒரு இசைக்குழுவை ஆரம்பித்து அதன் "கம்போஸராக " இருந்தான். கல்லூரியின் சார்பாக பல்கலைக்கழக போட்டியில் கலந்து கொண்டு முதல் இடத்தை பெற்றான் .

நாகபுரி பல்கலைக்கழ்கம் இந்த குழுவை தேசிய அளவில் நடைபெறும் போட்டிக்கு ராஞ்சி நகருக்கு அனுப்பியது . மேற்கத்திய இசையிலும் சிறப்பாக பாடும் நிஹால் அவன் சார்ந்த பல்கலைக்கு இரண்டாம் இடத்தை பெற்றுத்தந்திருக்கிறான்.

தோழர்களும் அன்பர்களும் அவன் மேலும் சிறக்க ஆசிகளையும் வாழ்த்துக்களையும் தருமாறு வேண்டுகிறேன்.

 

Tuesday, February 13, 2018







சுந்தரம் அவர்களின் சாதனை -

ஓய்வூதிய பாதுகாப்பு !!


குருமூர்த்தி பெருமிதம் 



"இன்சூரன்ஸ் ஊழியர்களின் ஓய்வூதியம் பாதுகாப்பாக இருப்பதற்கு காரணம் மறைந்த தோழர் NMS தான் " என்று பெருமிதத்தோடு குருமூர்த்தி அவர்கள் குறிப்பிட்டார்கள்..

 இன்ஷுரன்ஸ் ஓய்வூதியர்கள் அகில இந்திய மாநாட்டில் குருமூர்த்தி (jt secretary Aiiea )பேசும்போது " வாங்கி ஊழியர்களுக்கு இந்த பாது  காப்பு இல்லை . ஒவ்வொரு ஊதிய உயர்வு பேச்சு  வார்த்தையின் போதும் ஊதிய உயர்வுக்கு ஏற்ப ஓய்வூதியமும் உயரவேண்டும். அப்படி உயரும் பொது கூடுதலான தொகை ஒதுக்க வேண்டுமென்றால் ஊழியர்கள் ஒரு குறிப்பிட்ட சாதமானம் நிர்வாகத்திற்கு கொடுக்க வேணும் .இது தான் வங்கியில் நடைமுறை ! ஆனால் இன்சூரன்ஸ் ஊழியர் திட்டம் அப்படி அல்ல.!  இதனை சாதித்தவர் சுந்தரம் அவர்கள் "என்றார்.


"இன்சூரன்ஸ் ஊழியர்  ஓய்வூதிய திட்டத்தில் ஒரு சிறப்பு அம்சம் சேர்க்கப்பட்டது .விதி 5 (3) சேர்க்கப்பட்டது அதன்படி  ஊழியர்களுக்கு கொடுக்கப்படவேண்டிய ஓய்வூதிய நிதி எந்த வித ஊழியர் பங்கேற்பும் இன்றி பாதுகாக்கப்படும் " என்று அது உத்திரவாதப்படுத்தியது " என்று குருமூர்த்தி விளக்கினார்.


ஓய்வூதிய போராட்டத்தையும்,அதன் காரணமாக கிடைத்த நன்மைகளையும்  அரைமணிநேரத்திற்கும் மேல் விளக்கி குருமூர்த்தி உரையாற்றினார்

Monday, February 12, 2018




"காங்கிரஸ் இல்லாத பாரதம் அல்ல !காங்கிரசும் ,பா.ஜ.கவும் இல்லாத பாரதம் வேண்டும் !!"


மதுரை சந்திர சேகர பாரதி  பேச்சு 


"காங்கிரஸ் இல்லாத பாரதம் அல்ல நாம் வேண்டுவது> காங்கிரசும் பா.ஜ.க வும் இல்லாத பாரதம் வேண்டும் " என்று சார்பாளர்களின் விவாதத்தை துவக்கிவைத்தமதுரை சார்பாளர் சந்திர சேகர பாரதி பேசினார் .

"காங்கிரஸ் "பிளான்"  போட்டு கொடுக்கும் அதனை எதிர்ப்பது போல் பா.ஜ.க எதிர்க்கும் .பதவிக்கு வந்ததும் காங்கிரசுபோட்ட "பிளானை " நிறைவேற்றும்."என்று பாரதி விளக்கினார் .மதுரை மாண்டல ஓய்வூதியர் சங்கத்தின் செயலாளரான பாரதியை  சார்பாளர்கள் விவாதத்தைதுவக்கி வைக்கும் பணியை அளித்தது பெருமைக்குரிய ஒன்று.

"மோடி இந்தியா வளருகிறது என்கிறார். இல்லை பிரசினைகள் தான் வளருகினறன> மக்களின் வேதனைகள் தான் வளருகின்றன " என்று கூறிய பாரதி ." ஸ்மிருதி இரானி அம்மையார் .பத்திரிகைகள் தங்கள் பணியை சிறப்பாக  செய்ய வேண்டும் "என்று கூறினார் .அமிதா ஷாவின் மகன் செய்த ஊழலை அம்பலப்படுத்திய wire பத்திரிகையின் மீது 100 கோடிக்கு வழக்கு போட்டிருக்கிறார்.என்று குறிப்பிட்டு ஆளும் பா ஜ க வின்  இரட்டை நாக்கை விளக்கினார்.

சார்பாளர்கள் விவாதம் தொடருகிறது.

Sunday, February 11, 2018






சாராய போதை அல்ல !

ரத்த போதையில் சமூகம் இருக்கிறது !!

அமானுல்லாகான் பேச்சு !!!



"சமூகம் இன்று சாராய போதையில் அல்ல ! ரத்த போதையில் சிக்கிக் கொண்டிருக்கிறது " என்று அகில இந்திய இன்சூரன்ஸ் ஊழியர் சங்கத்தின் தலைவர் அமானுல்லா கான் கூறினார் .

நாகபுரியில் அகில இந்திய இன்சூரன்ஸ் ஓய்திவூயர் சங்கத்தின் 7 வது  மாநாடு   துவங்கியது இதனை துவக்கி வைத்த aiiea சங்கத்தலைவர் அமானுல்லா கான் " புகழ் பெற்ற உருது கவிஞர் ஒருவரை மேற்கோள் காட்டி பேசும் பொது." ஒருவன் சாராயம் குடிக்க சாராயக்கடையை  எங்கே எங்கே என்று தேடினான். கடையை பார்த்தான். அங்கு கூட்டமே இல்லை ! எப்போதுமே சலசலவென்று கூச்சலும்   கும்மாளமுமாக இருக்கும் சாராயக்கடையில் அமைதியாக இருக்கிறதைப்பார்த்து அவன் கடை முதலாளியிடம் கேட்டான் . இப்போ சாராயம் குடிப்பதில்லை . ரத்தம் தான் குடிகாணுவ ! அந்த போதை தான் வேணுமாம்" என்று கூ றி இருக்கிறான் .இது ஒரு கிராமிய கவிதை . இன்று சமூகம் ரத்தபோதையில் சிக்கி இருக்கிறது" என்று அமானுல்லா கான் கூறினார் .

சுமார் ஒருமணிநேரம் பேசிய அமானுல்லா கான் கையில் எந்த குறிப்பும் இல்லாமல் ஆற்று வெள்ளம் போல் பேசியதை கேட்டு பார்வையாளர்கள் பிரமித்து நின்றனர் .    

Sunday, February 04, 2018





தோழர்  ராஜனுக்கு,

இது பதில் அல்ல !!!




புரட்ச்சி என்ற வார்த்தை தமிழகத்தில் மலினப்பட்டு இருந்தாலும் எல்.ஐ.சி ஊழியர்களை புரட்ச்சிப்படை என்று வர்ணித்திருந்த ராஜன் அவர்களுக்கு நன்றி !

+2 மாணவர்களின் பாடத்திட்டத்தில்" இன்சூரன்ஸ் "  பாடத்தை சேர்த்து இன்சூரன்ஸ் துறைக்கு சேவை செய்வதாக மாய்மாலம் காட்டினார்கள் .சென்னையில்உள்ளபத்மாசேஷாத்ரிபள்ளிஇதனை பயன்படுத்தி  மாணவர்களை சேர்க்க ஆரம்பித்தது. இந்த மாணவர்களுக்கு எல்.ஐ.சி யில் வேலை வாய்ப்புக்கு உத்திரவாதம் அளிக்கும் வகையில் காரியங்கள் நடந்தன .பல மாணவர்கள் " அப்ரசண்டி"களாக நியமிக்கப்பட்டனர்.இதன் பின்னணியில் உள்ள சதியையும் நோக்கத்தையும் புரிந்து கொண்ட அகில இந்தியாய் இன்சூரன்ஸ் ஊழியர் சங்கம் இதனை வெற்றிகரமாக நிறுத்தியது .

1994ம் ஆண்டு மண்டல கமிஷன் விவாதம் வந்தது அதற்கு பல ஆண்டுகள்முன்பாகவேஏ.ஐ.ஐ.இ.ஏ  சங்கமபிற்படுத்தப்பட்டவர்களுக்கான இட ஒதுக்கீட்டினை கேட்டு போராடி வந்துள்ளது .இட ஒதுக்கீடு ரோஸ்டரை தனியாகாதயாரித்து நிர்வாகத்தோடு மோதியது இந்த சங்கம். தோழர்  பாஸ்கரன் இந்த ரோஸ்டரை தயாரிப்பார்.(மதுரை ) . நிர்வாகம் பல சந்தர்ப்பங்களில் தன தவறை பாஸ்கரனின் பட்டியலோடு ஒப்பிட்டு திருத்திக்கொண்ட காலம் உண்டு.

மண்டல்  கமிஷன் உத்திரவை இந்திய அளவில் பலர் எதிர்த்த பொது. உடனடியாக அதனை நடைமுறைப்படுத்த போராடியவர்கள் இன்சூரன்ஸ் ஊழியர்கள்.

பொதுத்துறை யில் முதன்முதலாக மண்டல் கமிஷன் உத்திரவு நடைமுறைப்படுத்தப்பட்டது எல்.ஐ.சியில்தான்.

இதனை எதிர்த்து பா ஜ.க தலைமையில் குஜராத்தில் போராட்டம் நடந்தப்போது   பாஜாகாவை எதிர் த்து போராடி தாக்குதலுக்கு ஆளானவர்கள் எல்.ஐ .சி ஊழியர்கள்.

இன்றைய நிலைமை என்ன என்பதை ராஜன் கேட்கிறார் எத்தனை சதம்  பிற்படுத்தப்பட்டவர்கள், மற்றவர்கள் எத்தனை  என்பதை சொல்லுங்கள் என்று கேட்கிறார்.

தெரியவேண்டியதை தெரிந்து கொள்ளும் நெருக்கமான இடத்தில் இருக்கும் ராஜன் இதனை ஒரு தொலைபேசி அழைப்பின் மூலம் தெரிந்து கொள்ளமுடியும் !

பொதுவெளியில் தான் விவாதிக்க வேண்டும் ......???!!!